«Палескія вячоркі» зладзілі на Іванаўшчыне
Кульмінацыйным, але не заключным мерапрыемствам у рамках Тыдня роднай мовы стала імпрэза, якая ўчора адбылася на галоўнай сцэне Іванаўшчыны. «Палескія вячоркі» ладзілі настаўнікі і вучні дзіцячых школ мастацтваў, танцавальныя калектывы: народны ансамбль танца «Янаўцы» і ўзорны ансамбль танца «Яначка», у суправаджэнні інструментальнай групы і з удзелам эксперэментальнай пеўчай групы «Славяначка NEXT».
Гэта быў жывы аповед аб традыцыях палешукоў, аздоблены гучаннем меладычнага роднага слова і жывым гукам, унікальным архаічным шматгалоссем, дабрадушным гумарам. Але панаваў у гэты вечар, безумоўна, танец, выразны і гарачы, грацыёзны і кранальны, задорны і самабытны.