Дарагія дзеці! Паважаныя педагогі і бацькі!
Ад усёй душы віншуем з Днём ведаў і пачаткам новага навучальнага года!
Гэтае свята аб'ядноўвае ўсіх, хто вучыць і вучыцца, хто адкрывае для сябе свет ведаў і хто дапамагае рабіць гэтыя адкрыцці. Для першакласнікаў сёння празвініць першы званок, які адчыніць дзверы ў вялікае школьнае жыццё. Для выпускнікоў гэта год сур'ёзных выпрабаванняў і выбару прафесійнага шляху. Для кожнага вучня - час вялікіх адкрыццяў, яркіх мерапрыемстваў, незабыўных сустрэч.
Асаблівыя словы падзякі - нашым настаўнікам. Ваша высакародная праца, цярпенне і мудрасць - залог будучых поспехаў падрастаючага пакалення. Дзякуй вам за адданасць справе і любоў да дзяцей.
Паважаныя бацькі! Ваша падтрымка - галоўная апора для дзяцей, як і вашы давер і разуменне, і тое, што вы заўсёды побач.
Няхай новы навучальны год стане часам яркіх здзяйсненняў і сапраўдных перамог. Жадаем ўсім моцнага здароўя, натхнення і веры ў свае сілы. Памятайце: гарызонты адкрываюцца перад тымі, хто не баіцца ісці наперад. Са святам, з Днём ведаў!
Іванаўскі раённы выканаўчы камітэт.
Іванаўскі раённы Савет дэпутатаў.