Песню складалі пра веліч Радзімы
юныя чытачы сельскай бібліятэкі в. Ляхавічы падчас відэаэкскурсіі аб знакамітых асветніках роднага краю “Светачы зямлi беларускай”.
У ходзе мерапрыемства дзеці пазнаёміліся з развіццём беларускага пісьменства ад глыбокай старажытнасці да дзён сённяшніх. Пра жыццё і творчасць Францыска Скарыны, Сымона Буднага, Ефрасінні Полацкай і інш. цікава распавялі разнастайныя відэаролікі.
Бібліятэкар засяродзіла ўвагу слухачоў на неабходнасці захавання лепшых духоўных здабыткаў нашага народа, прымнажэння скарбніцы нацыянальнай культуры, падкрэсліла, што гістарычная памяць і гонар за Айчыну з’яўляюцца трывалым падмуркам для шчаслівай будучыні.
Ірына САЛОМКА.
Добавить комментарий